a gatta do palazzo

Titolo: a gatta do palazzo Mar Dic 04, 2007 1:57 am

'A gatta d’‘o palazzo
Trase p’‘a porta,
pè nu fenestiello,
pè na fenesta, si t’‘a scuorde aperta,
quanno meno t’aspiette.
Pè copp’‘e titte,
da na loggia a n’ata,
se ruciulèa pè dint’‘a cemmenera.
E manco te n’adduone
quannè trasuta.
Pè copp’‘o balcone,
e fa culazione
dint’‘a cucina toja.
è ‘a gatta d’‘o palazzo.
Padrone nun ne tene.
Nunn’è c’‘a vonno male,
ma essa ‘o ssape
che manc’‘a vonno bene.
Te guarda cu dduje uocchie speretate:
lésa.
N’ha avute scarpe appriesso e ssecutate.
E' mariola!
Ma ‘a povera bestiella, c’adda fa?
E' mariola pecché vò mangià.
E' mariola…
Chest’‘o ddice a ‘ggente;
ma i’ nun ce credo, pecché, tiene mente:
tu lasse int’ ‘a cucina,
che saccio…
nu saciccio.
Làsselo arravugliato
dint’ a na bella carta ‘a mille lire.
Tuorne ‘a matina:
‘a mille lire ‘a truove, che te crire?
Nzevata. Ma sta llà.

.

.