Adattarsi . . . . nella vita!!!

giusto per restare in tema: mi permetto di adattare la dimensione del carattere (sai sono un po' cecato!)


A licerta e ru cursune





‘na licerta sberta sberta

‘a ra loggia spalancata

de ‘na scola, era ‘ncriccata

e, curcata supra l’anta

tutta quanta

rusicata d’ ‘o barcune

se godia ‘ru solliune.

Intra c’era

‘na filera .

de sculari

gridazzari.

Ma chiù dintra ancora c’era

ccu ra frunte ruggjiata

e ‘ra capu ‘na nivera

‘nu maestru chi facia

lizzione ‘e giometria.

Se chiamava donnu Titta

e ra crozza avia diritta.

De ‘na cagna de lavagna

scassau prima certi cunti

pue pigliau e signau ddui punti

e diciu: Ppe arrivare

de ‘cca a ‘cca se potu fare

mille vie, bellezze mie,

chista, st’autra, chista ‘cca.

Ma sentiti a donnu Titta

chi de vue de cchiù ne sa,

‘a cchiù curta è ra diritta.

A licerta chi sentiu

disse: E’ bberu

ppe ddaveru!

E, de tannu, si camina

Fuje, sbritta e ‘bba diritta

Perzuasa c’abbicina,

Doppu n’annu, ‘na matina

Mentre jia a trovare ‘na vicina

A via via

S’affrontau ‘cu ‘nu curzune

Ch’ ‘un sapiennu a giumetria

Stuortichiannu sinne jia.

‘A licerta le diciu:

Biellu miu,

si camini ‘cussì stuortu

quannu arrivi? Doppu muortu?

A ‘ra scola ‘un ce si statu

E ru Mastru ‘un ti l’ha dittu

Ca ‘u caminu cchiù bicinu

Sulamente è ru dirittu?

Già, i cursuni, tutti quanti







Siti stupidi e ‘gnuranti.

Ha’ ragiune! Vere sperte

‘un ce siti ca ‘e licerte.

Ma ‘sta vota ,si ‘na ciota

E pppue dire a donnu Titta

Ca ccu tutta a giumetria

‘a cchiù curta d’ogne bbia

Quasi sempre è ra diritta. . . . .

Chine vo’ priestu arrivare

È strisciannu e sturtichiannu

Ch’a ‘stu munnu hadde marciare.



( Vittorio Butera)

Non sei "cecato". Il fatto è che non ho pensato prima di inviare.
Grazie! Sei gentilissimo.

di nulla!