Conte Verde
amico speciale
 Numero di messaggi : 250
Localizzazione : in Calabria
barra di rispetto : 
Data d'iscrizione : 01.02.10
 |  Titolo: Totò: 'E ccorne.  Sab Mar 06, 2010 7:57 pm | |
| Ognuno 'e nuie nasce cu nu destino:
'a malasciorta, 'e vvote va . . . po' torna;
chi nasce c' 'o scartiello arreto 'e rine,
chi nasce c' 'o destino 'e purtà 'e ccorne.
io, per esempio, nun me metto scuorno:
che 'nce aggio 'a fa' si tarde ll'aggio appreso?
Pensavo: si aggio avuto quacche cuorno,
ma no a tal punto de sentirme offeso.
E' stato aiere 'o juorno, 'a chiromante,
liggenneme cu 'a lente mmiezzo 'a mano,
mm'ha ditto:<< siete stato un triste amante,
vedete questa linea comme è strana ?
Questa se chiamma 'a linea del cuore,
arriva mmiezo 'o palmo e po' ritorna.
Che v'aggia di', carissimo signore;
cu chesta linea vuie tenite 'e ccorne.
Guardate st'atu segno fatto a uncino,
stu segno ormai da tutti è risaputo
ca 'o porta mmiezo 'a mano San Martino,
'o Santo prutettore d' 'e cornute.
Sentenno sti pparole 'int' 'o cerviello
accumminciaie a ffa' mille penziere.
Mo' vaco 'a casa e faccio 'nu maciello,
pe' Giove, aggia fa' correre 'e pumpiere.
<> ('na voce interna
mme suggerette). <
'E ccorne ormai songhe 'na cosa eterna,
nun c'è che ffa, è 'a solita canzone.
'O stesso Adamo steva 'mparaviso,
eppure donna Eva ll'ha traduto.
Ncoppa a 'sti ccorne fatte 'nu surriso,
ca pure Napulione era cornuto!>>. | |
|
